— Ուրեմն կնամոլ ես:
— Բնավ երբեք։
— Մարդ Աստուծո, ի՛նչ ես դուն հապա։
— Հացագործ եմ, տեր պապա։
⁂
— Զավակս, ի՞նչ շուտ դարձար Բարիզեն:
— Ի՞նչ ընեմ, մայրիկ։
— Դուն հոն երեք տարի պիտի մնայիր, որ փաստաբանություն սորվեիր, դեռ էրթալդ յոթը ամիս չեղավ ու եկար։
— Մայրիկ, տեսա որ ասեղնավոր հրացանր ամեն իրավունք կը վաստկցնե. անկե հատ մը առի ու առանց ժամանակ կորսնցնելու դարձա եկա։
⁂
Ամուրի նախանձոտ երիտասարդ մը հետևյալ խորհրդածությունը կըներ ինքնիրեն.
«Անհավատարիմ կնոջմեն վրեժ խնդրել ուզող ամուսինը ծաղրելի կ՚ըլլա. անհավատարիմ կնոջմեն վրեժ խնդրել չուզող ամուսինն ալ ծաղրելի կըլլա, արդ, ամուսինը ծաղրելի կըլլա, ուստի և ամուսին ըլլալն ալ ծաղրելի բան է»։
⁂
Աղային մեկը առջի օրը յուր սենյակին սպասավորը կանչեց ու ըսավ.
— Դուն հավատարիմ, աշխույժ ու աշխատասեր ես, քու ծառայություններեդ տրտնջալու տեղի չունիմ, բայց երթաս բարյավ։
— Ինչո՞ւ համար, էֆենտի։
— Վասնզի, մեր պայմանագրությանց հակառակ ես. իմ գինովցած օրս դուն ալ կը գինովնաս կոր։
— Տեր իմ, ես ի՞նչ հանցանք ունիմ. քանի որ դուք ատենե մ՛ի վեր ամեն օր գինովն ալ սկսաք։
⁂
— Տեսա՞ր, սա արձանը:
— Այո՜, շատ աղեկ շինված է, կատարյալ կնիկ մէ, միայն թե բան մը կը պակսի։
