⁂
Դերասանին մեկը անցյալ գիշեր Բերայի թատրոններեն մեկուն մեջ երգ մը երգեց, որուն մեջ կատուի, շան, աքաղաղի ու ձիու ձայն հանելով՝ երբ թատերաբեմեն ներս կը մտնար, օթյակե մը պոռաց մեկը.
— Հապա էշը ի՞նչպես կը զռա։
— Այդպես, պատասխանեց դերասանը և վարագուրեն ներս մտավ։
⁂
Սապատողին մեկը զբոսարան մը մտավ։
Երիտասարդին մեկը ըսավ.
— Նայեցե՛ք, սա նոր Եզոբոսին։
— Այո՛, Եզոբոս եմ, պատասխանեց սապատողը, որովհետև կենդանիներու խոսելու ստիպված եմ։
⁂
— Գիտե՞ք, որչափ կը ցավիմ կոր խեղճ Տիգրանը։
— Ինչո՞ւ։
— Խեղճին աչքերը բոլորովին գոցվեցան, բան մը չտեսնար կոր։
— Թող կարգվի, աչքերը շուտ մը կը բացվին։
⁂
Երկու եղբայր իրարու այնչափ կը նմանեին, որ դրացին անգամ չէր կրնար զանոնք իրարմե որոշել։
Ասոնցմե մեկը մեռավ։
Դրացին օր մը մյուսին պատահելով ըսավ.
— Աստվածդ սիրես, ըսե՛ ինձի, դո՞ւ մեռար, թե եղբայրդ։
⁂
Թրամվեյի մեջ անցյալ շաբթու մարդուն մեկը քովը նստողը կը թշնամաներ ըսեքով, թե թաշկինակս գողցեր ես. բայց երբ ետևի գրպանին մեջ գտավ թաշկինակը՝ ներումն խնդրեց քովինեն։
— Մի՛ շփոթիք, պարոն, ըսավ մյուսը, երկուքնիս ալ սխալնցանք, դուն զիս դող կարծեցիր, ես ալ զքեզ ազնիվ մեկը կարծեցի։