ԳԼ. ԺԴ
Իմ տապանագիրը
|
ԳԼ. ԺԵ
Բանք իմ առ ժողովուրդն
Թշվա՜ռ ժողովուրդ, կիրքերը խանգարող գործարան, դո՛ւ, որ մեյ մը երկինք կը բարձրանաս, և մեյ մալ տիղմերուն մեջ կընկղմիս, դո՛ւ, որ առանց պատճառը գիտնալու կը գովես և կը պարսավես, պատկեր ես հուզման և արձագանք ինքնին։ Հիմարանոցներե փախած խենդ, հյութ ամեն բարկ թունոց և քաղցր համեմաց, սադայելյան դիմակ, քրիստոնեական բարեպաշտությամբ ժպտյալ Ընգղա։
Ժողովո՜ւրդ, երիտասարդությանս ատեն քեզմե վախցա, արբուն հասակիս մեջ հարգեցի և ծերությանս ատեն ատեցի զքեզ։ Ահա իմ հիշատակարանքս. — Ազնիվ ժողովո՜ւրդ, վերջապես ձեռքեդ ագատեցա, և որովհետև մեռա, կույր, խուլ ու համր եմ։ Ուրեմն, գնա՛, վայելե այս օգուտները քու և մարդկային սեռին հանգստությանը համար։
⁂
Անանիտ շատ որկրամոլ տղա մէ. տունին մեջ անուշեղեն չթողուր կուտե։
Երկու շաբաթ առաջ Անանիա անուշեղենի պահարանը բացավ (ուր դրված էր Հիսուսի խաչելությունը ներկայացնող գաճե շինված պզտիկ արձան մը և որ կարծես թե կը հսկեր անուշեղեններուն վրա) և բավական անուշ ուտելեն վերջր պահարանը գոցեց։
Մայրը եղելությունը իմանալուն պես տղուն վրա կը վազե։