ՎԵՐՋԻՆ ԼՈՒՐԵՐ
<1>
— Փարիզի զսպյալ ապստամբները տեսնելով, որ Փարիզի արքեպիսկոպոսը և Մատըլենի ավագերեցը չափե դուրս բարձր հասակ մունին, զանոնք քիչ մը կարճեցնելով ձևավոր ընելու համար գլուխնին կտրեր են եղեր։
— Վառնայեն կը գրեն, որ արժանապատիվ Ամբրոսեոս վարդապետի Պրուսա երթալը մեծ ազդեցություն ըրեր Է տեղվույն ժողովրդյան. երկյուղ կա, որ Պրուսայի այս Բարթուղիմեոսական խնդիրք պիտի լմննա և Պրուսայաբնակ ազգայինները պիտի հանդարտին։ Ուստի, խնդրո վերջ չտալու համար ազդու միջոցներուն ձեռք առնվիլը բերկրությամբ կիմացնենք։
— Տրապիզոնեն կը գրեն, որ անցյալ շաբաթ Ադրիանուպոլսո Մարիցան սահմանեն դուրս հարձակելով իր հեղուկ թագավորությունը բավական ընդարձակեր Է, շատ մը խանութներու, տուներու մեջ կմտեր, զանոնք նվաճեր և բավական ծառեր գերի Է բռներ կես մեջքեն:
— Լեֆթեր ավազակապետի նպար տալու ամբաստանության տակ բանտարկյալ երեք հայ թշվառներու ազատության համար գերապատիվ Ներսես Սրբազանի տրված գովեստներուն մեծապատիվ Սերվիչեն Էֆենտիի վերաբերիլը Նիկոմիդիայեն կը գրեն։