ԵԿՈԻՐ ԽՆԴԱՆՔ
Վարչությունը յուր որոշումները օդերուն հարմարցուց։
Իր որոշումները օդերու հետ կը փոխվին։
Անցյալ շաբթու երկնից երեսը հստակ էր, Վարչությունը որոշեց, որ ըստ մեզ գերապատիվ Խորեն եպիսկոպոս և ըստ Փողո Խորեն վարդապետ Իզմիրի առաջնորդ կըլլա։
Այս շաբթու օդը քիչ մը անձրևոտ էր, Վարչությունը որոշեց, որ ըստ մեզ գերապատիվ Խորեն եպիսկոպոս և ըստ Փողո Խորեն վարդապետ Իզմիրի առաջնորդ չըլլա։
Արդյոք գալ շաբթու ի՞նչ պիտի որոշե։ Օդերը գիտեն։
Լսեցինք նաև, որ Վարչությունը որոշեր Է Իզմիր գրել, որ իրենց ուրիշ առաջնորդ մը ընտրեն։ Իզմիրցիք ալ պիտի գրեն Պատրիարքարան, որ գավառաց առաջնորդությունն ընդունող առաջնորդաց ցուցակ մը ղրկվի իրենց, որ անոնցմե մեկը ընտրեն, և իրավունք ալ ունին, որովհետև կրնա ըլլալ, որ իրենց ընտրած առաջնորդը չընդունի Իզմիր երթալ, և այն ատեն Պատրիարքարանը պիտի կրնա՞ բռնություն բանեցնել այդ ընտրված առաջնորդին դեմ մինչդեռ թույլտվություն ըրավ ըստ մեզ Խորեն եպիսկոպոսին և ըստ Փողո Խորեն վարդապետին։
Ըստ մեզ Պատրիարքարանը կամ այդ ցուցակը ղրկելու Է, և կամ Խորեն եպիսկոպոսի համար զատ օրենք մը հաստատելու Է։