ԴԱՍԱԳԻՐՔ
ՎԵՐԱՔՆՆԵԼԻ
ՍԱՀՄԱՆԱԴՐՈԻԹՅԱՆ
Ի ՊԵՏՍ ԴՊՐՈՑԱՑ
Ի ՊԱՏՐԻԱՐՔՈԻԹՅԱՆ
Տ. Տ. ՄԿՈՏՉԻ ԱՐՔԵՊԻՍԿՈՊՈՍԻ ԽՐԻՄՅԱՆԻ
ԳԼՈԻԽ Ա.
Հարց. — Ի՞նչ ըսել է սահմանադրություն։
Պատասխան. — Սահմանադրություն կըսվի այն գիտութեան՝ որուն ինչ ըլլալը չիյտենք։
Հարց. — Քանի՞ տեսակ սահմանադրություն կա։
Պատասխան. — Երկու տեսակ. գործնական և տեսական։
Հարց. — Ո՞րն է գործնականը։
Պատասխան. — Գործնականը այն է, որ տեսած չունինք։
Հարց. — Ո՞րն է տեսականը։
Պատասխան. — Տեսականը այն է, որ գործած չունինք։
Հարց. — Ի՞նչպես կրնա քննվիլ սահմանադրություն մը։
Պատասխան. — Սահմանադրություն մը քննելու համար ընդհանրապես երեք բան կա հարկավոր, աղեկ խորհիլ այնպես խոսիլ, քիչ խոսիլ և շատ մտիկ ընել, պաղարյամբ խոսիլ։
Հարց. — Այս երեք բանը մեր ժողովին մեջ մտցնելու համար ի՞նչ ընելու ենք։
Պատասխան. — Վայրկյան մը ազգին խեղճությանը նայինք։
Հարց. — Աղեկ. հիմա սահմանադրությունը հիմնական սկզբունքեն քննելու եմք թե սկզբնական հիմունքեն։
Պատասխան. — Որին որ հնչումը դյուրին է նե՝ անկեց սկսինք։