8. Քամը Նոյի երրորդ որդին է ի տարբերություն իր երկու եղբայրների, նա անողոքաբար ծաղրեց մերկ պառկած հորը։ Պարոնյանը իրեն համարելով Քամ, նկատի ունի երգիծաբանի անկաշկանդ, անկաշառ սկզբունքայնությունը, որն ի պահանջել հարկին չի խնայի նույնիսկ հարազատ հորը։
9. Տես «Թատերական» <3>, ծանոթ. № 1։
10. Պարոնյանը Միսաքյանի ազգանվան հետ հաճախ կատարում է բառախաղ, անվանելով նրան մի-սագ և զարդարում սագի փետուրներով։
11. Ըստ հունական ավանդության, էպիմենիտեդը պատանի հասակում քնեց կախարդված քարայրի մեջ 57 տարի։
12. «Տքնություն» — «Տքնությունը և սփոփանք հայրենասերի». Խ. Միսաքյանի մի քանի հոդվածների ժողովածուն. լույս է տեսել 1860 թվականին Փարիզում։
13. «Հնարավանին մեջ խոսածներդ», այսինքն՝ անտրամաբան, անմիտ, հնարովի խոսածներդ (տե՛ս ծանոթ. № 6)։
14. Ըստ Աստվածաշնչի ավանդության, Սամսոնը իսրայելցի այն հսկան էր, որի ուժը իր մազերն էին։ Նրա սիրուհին՝ Դալիլան, դավաճանությամբ կտրեց այդ մազերը, ուժասպառության մատնեց Սամսոնին և հանձնեց թշնամիների ձեռքը։
ՍԱՀՄԱՆԱԴՐՈՒԹՅԱՆ ԲՆԱՎՈՐՈԻԹՅՈԻՆԸ
Առաջին անգամ լույս է տեսել «Մեղուի» մեջ, անստորագիր, 1873 թվականի հուլիսի 14-ին (№ 154)։
1. Հեգնել է Ս. Փափազյանին, Սահմանադրությունը նույնացնելով նրա հետ, որովհետև Փափազյանը վարել է Ազգային երեսփոխանական ժողովի ատենապետի պաշտոնը։
ԹԱՏՐՈՆ ԱԶԻԶԻԵ
Առաջին անգամ լույս է տեսել «Մեղուի» մեջ, անստորագիր, 1873 թվականի հուլիսի 14-ին (№ 154)։
1. «Թատրոն Ազիզիե» — Տե՛ս «Ծանուցումը հայ թատրոնի», ծանոթ. № 1։
ՆՈՐ ՎԻՃԱԿԱՀԱՆ ԵՎ
ԵՐԱԶԱՀԱՆ ԸՍՏ ԲՆՈԻԹՅԱՆ
Առաջին անգամ լույս է տեսել «Մեղուի» մեջ, անստորագիր, 1873 թվականի հուլիսի 18-ին (№ 155)։
1. «Նոր վիճակահան և երազահան ըստ բնության» — Հեղինակն է Գաբրիել Մաղազաճյան. սույն աշխատության Բ հատորը լույս է տեսել 1873 թվականին։
ԲԱՐԵՎԱՎԱՆ
Առաջին անգամ լույս է տեսել «Մեղուի» մեջ, անստորագիր, 1873 թվականի հուլիսի 18-ին (№ 155)։
1. «... Բարևավանի թաղն...» — Պոլսի Սելամիե թաղի հայերեն թարգմանությունը։