ԾԱՆՈՒՑՈՒՄ
ԿԱՂԱՆԴԻ ՆՎԵՐ
Բորթուգալ. — հատը 60 փարա, կը ծախվի Լեմոն իսկելեսին։
Նեսեսեռ. — հատը 100 ղուրուշեն մինչև 1000 ղուրուշ, կը ծախվի Բերա, Պոն-Մարշեին, այսինքն աժան ծախողին քովը:
Խուշ խումրի. — թարմը հատած է, կը ծախվի զույգը 10 փարայի սիմիթճի քյոռ Նիքոլիին քովը։
Քսակ. — բայց մեջը պարապ. — ոսկեթել մետաքսով կամ սոսկ մետաքսով, գինր 60 ղուրուշեն մինչև 150. կը ծախվի Մատամ Բաբիյլոնի քով։
Ժպիտք և Արտասուք. — ընտիր բանաստեղծություն մը. առնող չըլլալեն ետքը 60 փարայի, կը մնա գրավաճառներուն խանութը։
Մեծ Մուկին պատմությունը. — Ֆրանսերեն ոսկեզօծ դրքույկ մը, հատը քսան ու հինգ ղուրուշի, կը ծախվի Բերա, Վայսին քովը։
Սառուցյալ շագանակ. — շաքարով պատած ու ոսկեզօծ թուղթի մեջ դրված շագանակ. օխան 80 ղուրուշի, չէ մնացեր Վալոռիին խանութը։
Օրացույց. — Արամյան տպագրություն, հանդերձ կարևոր տեղեկությամբք. գին 2 ղուրուշ կը մաշի Արամյան գրատունը:
Կաղանդ. — կը գտնվի օրացույցներու առաջին օրը, գինը ըստ տեսակին։
Լրագրի ցրվիչ. — Կենդանի և աշխույժ, կը գտնվի լրագրաց բաժնորդներու դուռը, տուգանք է սիրտե բրդածը։
