Էջ:Hagop Baronian, National Bigshots (Յակոբ Պարոնեան, Ազգային Ջոջեր).djvu/220

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


առատաձեռն ըլլալու թերութիւնն ունի եւ այս իսկ Էր իւր նաւուն ղէկը վարողը:

Եթէ կ'ուզէ ոք ճանաչել այս մարդը փողոցէ մէջ՝ թող աչացն առջեւ բերէ այն մարդուն քալելն որ տասնըհինգ տարիէ ի վեր բացակայ գտնուող եղբօրը գալը կ՛իմանայ յանկարծ եւ զայն տեսնելու համար տանը ճանբան կը բռնէ: Այսչափը հերէք չէ, պիտի ըսես. պէտք է որ դէմքին վրայ տեղեկութիւն ունենամ: Շատ լաւ: Պզտիկութեան ժամանակ հիւրի մը խահվէ տուած ատենդ չէ՞ հանդիպած երբէք որ խահուէին գաւաթը դիպուածով իյնայ եւ խահուէն ալ հիւրին վրայ թափվի.—Քանէ մը անգամ հանդիպած է —Այն ժամուն հայրդ բարկութեամբ ծուռ ծուռ երեսդ չէ՞ նայած. —Նայած է.—Ահա այն ժամուն ինչ դէմք որ ունեցար դուն նոյնն ունի այսօր Յովհաննէս էֆէնտի Միւհէնտիսեան: