Թագաւոր է ծնեալ յայրին, ովսաննայ,
Ժամանակ մարդեղութեան, օրհնեսցուք.
Ի կուսէն է ծնեալ Քրիստոս, ովսաննայ,
Լոյս ծագեաց տիեզերաց, օրհնեսցուք.
Խոնարհեալ յերկնից յերկիրս, ովսաննայ,
Ծնանիլ ի սուրբ կուսէն, օրհնեսցուք.
Կամաւ հօր և սուրբ հոգոյն, ովսաննայ,
Հինաւուրցըն մանկացեալ, օրհնեսցուք.
Զայն եղև ի Յորդանան, ովսաննայ,
Ղևտական քարոզութեանցն, օրհնեսցուք.
Ճշմարիտ հօր և հոգոյն, ովսաննայ,
Մեզ աստուած երևեցաւ, օրհնեսցուք.
Յորդորէ գետն Յորդանան, ովսաննայ,
Նորոգէ զտիեզերս, օրհնեսցուք.
Շնորհելով մեզ թողութիւն, ովսաննայ,
Որ յառաջն էր խոստացեալ, օրհնեսցուք.
Չհանդուրժել Հերովդէի, ովսաննայ,
Պատահէր անմեղ մանկանցն, օրհնեսցուք.
Ջուր սրբեացըն զՅորդանան, ովսաննայ,
Ռահ գործէք՛ զտիեզերս, օրհնեսցուք.
Սրոբէից մեծ թագաւորն, ովսաննայ,
Վասն մեր խոնարհեցաւ, օրհնեսցուք.
Տէրն իջեալ ի Յորդանան, ովսաննայ,
Րաբունի մեծ վարդապետն, օրհնեսցուք.
Ցնծութեամբ տօնեցարուք, ովսաննայ,
Ի [հ]ին ու նոր Աստուածն եկեաւ, օրհնեսցուք.
Փառս ի վեր առաքեսցաք, ովսաննայ,
Քրիստոսի փրկչին մերոյ օրհնեսցուք:
