Վիքիդարանից՝ ազատ գրադարանից
Ըզբուսանովի ոչխար
Լըսեցաք ի Հունդուստանի,
Բայց զայս ցանծովի մարդիքս
Չենք լըսեր առակս ամէնի:
Տէր և տենչալի մանուկ
Այսօր այս կղզիս երևեալ,
Ռստըս ձիթենեաց առեալ
Անթառամ թա[ճիս] պըսակեալ:
Աղեքսանդր մեծ թագաւոր,
Խիստ ուժեղ և երախտաւոր,
Կէս աշխարհս քո ձեռացդ տակ,
Դու եղեր խիստ մեծ զօրաւոր,
Աւաղ և հըզօր արքայ,
Որ քաջանց էիր բարապար,
Զետ չորքոտանի եղար,
Քարշ կու գաս դու անդուրժաբար:
(b Աղեքսանդր պատասխանէ)
Վայ թէ շիջանի այս հուրս.
Ի սըրտէս իմ կըսկծաւոր,
Որ զիս ի խաֆսա ածեր,
Կու խոցէ, զինչ օձ թիւնաւոր:
|
|
