Վիքիդարանից՝ ազատ գրադարանից
(b Հռոքսինէ ասաց)
Ազդեցէ՜ք է տուն պարսից
Եւ ասէք հօրն իմ Դարեհի.
Դուստրըն քո եղուկ դարձաւ
Ու լալոյ եղն արժանի:
Ողորմ ու լալի եղար,
Դարեհի դուստրը Հռոքսինէ,
Յերկնից ի յանդունդքն անկար,
Կորուսիր ըզթագն ի գըլխէ:
Թողուլ մոռանալ կամիս,
Աշխարհիկալ Աղեքսանդրէ.
Ես այլ մեռանիմ հետ քեզ,
Զիս ի քոյ գիրկըդ հաւաքէ:
Արքայն պատասխան երետ.
Թէ՝ Հոգիս ելաւ, դու լռէ,
Սիրտըս վառեցիր հըրով,
Մի նեղէր, աստուած կու սիրես:
Ինձ հանց ուժ և թև պիտէր,
Թըռչէի զինչ հաւ թեւաւոր,
Հեղ մալ իմ քաղաքն երթի,
Տեսնէի ըզմայրն իմ փառաւոր:
|
|
