Էջ:Khatchatour Ketcharetsi, Taghs (Խաչատուր Կեչառեցի, Տաղեր).djvu/68

Վիքիդարանից՝ ազատ գրադարանից
Այս էջը սրբագրված է

Խորհուրդ ւ ի գանգաշ մըտել,
Թըղթաբերն ազդմամբ կու ասէ.
Անճարիցըն ճար տեսէք,
Որ կապանքըն մեզ չըտիրէ:

Ասէ մակեդոնեան հըզօրն
Աղէքսանդր՝ հեծեալ յերիվար,
Փողիցըն հրաման երետ
Հարկանել զերգն աղմըկարար:

Մունէդիկն ի մէջ անցաւ,
Ազդ առնէր զօրացն անմոլար,
Ըզսուրն է հանել արքայս,
Դուք ընդէ՞ր կայք հայնց կամըկար:

Չարխին չըհաւատամ իսկի,
Թէ առնէ զով ոք թագաւոր,
Ֆալաքըն փախուստ բերէ,
Յորժամ տայ աչից իւր խոլոր:

Յանկարծ յաթոռոյ ձըգէ
Ու առնէ առակ հեռաւոր,
Հայնցեդ Դարեհի եղև,
Որ փախաւ գաղտիկ ւ ի մոլոր:

Մայրըն Դարեհի կուլայ,
Որ անունն է Հըռոդոնէ,
Եւ կինն արտասուք ածէ,
Որ ասեն իւրըն Ըստատիէ: