Այլ ջախջախեալ եղէգ էին,
Բեկեալ կենօք տատանէին,
Ընդ որ հայրապետքըն շրջէին,
Ալէկոծեալք այսր, անդր յածին:
ԺԴ
Մինչ ի Վահրամ Պահլաւունին,
Ղոր Գրիգորէս յւրջորջէին,
Որդի մեծի Մագիստրոսին
Գրիգոր մարզպան և կիտօնդին
Պռոտոսպաթար կռընգին,
Հայոց մեծաց սևաստօսին,
Սա ցանկացեալ գրոց իմաստին,
Դնէ տեղապահ զԳորգ ծերունին,
Չուէ յաշխարհըն վատածին,
Մտեալ ի քաղաքն ի Ըստապօլին,
Թարքմանութեամբ յամեալ ի նմին,
Դառնայր այսրէն յիւր հայրենին,
Լուեալ զառումն իւր քաղաքին
Ի ձեռն պեղծ Ալփասլանին՝
Զտանն նախագահ Բագրատունոյն
Զան ի քաղաքըն Շարային:
Դընայ ի տուն մեծ իշխանին,
Որ Գող Վասիլն կոչէին,
Բնակէ ի մեծ մենաստանին,
Զոր Կարմիր վանք յորջորջէին:
Կոչէ առ ինքն զիւր ազգային՝
Ըզտէր Բարսէղ՝ ճոխն և արին,
