խեղճը երաժշտության դասերը մի կողմ թողած՝ գիշեր-ցերեկ պատրաստվում է։
Հետևանքի մասին, հույս ունիմ, կգրես ինձ իսկույն։
Քիթս շատ կոտրվեց։
131. ՀՈՎՀԱՆՆԵՍ ՄԱԼԽԱՍՅԱՆԻՆ
Սիրելի Հովհաննես.
Երեկ ինձ ինստիտուտում շատ շփոթ տեղեկություն տվին Հասմիկի գործի մասին, որի ազգեցության տակ և ես շատ. հուզված գրեցի քեզ իմ երեկվա ահազանգ նամակը։ Չանհանգստացա և այսօր նորից գնացի գործը պարզելու։ Եվ ինչ, պարզվեց, որ երեկ ինձ ուրիշ ցուցակ էին ցույց տվել, որի մեջ Ованесян-ը Овакимян էր դարձել, իսկ այսօր ցույց տված մի ուրիշ ցուցակի մեջ պարզ գրված էր աղջկաս անունը ազգանունը։ Եթե մի ուրիշ ֆորտել չհանեցին, ուրեմն առայժմ ամեն ինչ կարգին է, ուրեմն և հարկ չկա այլևս դիմում անելու կադրերի բաժնին։ Ես անհանգիստ էի, քեզ էլ իզուր անհանգստացրի երեկ։ Ներիր։
132. ՀՈՎՀԱՆՆԵՍ ՄԱԼԽԱՍՅԱՆԻՆ
Սիրելի Հովհաննես.
Մայիս 13 թվակիր նամակդ ստացա, իսկ այդ նամակի մեջ հիշածդ նամակը. գյուղավեպը և գրքերը չեմ ստացել։ Երևի դրանք Ճուղուրյանի ձեռքով ուղարկածդ նամակը, գյուղավեպն ու գրքերն են, որոնք, ինչպես սրանից մի 10—12 օր առաջ խմբագրատանն ինձ պատահած ժամանակ ասաց նա, սխալմամբ դրել է այն ճամպրուկը, որ Թիֆլիս գալու ժամանակ ճանապարհից ուղարկել է Ղազախ փոխանակ