Էջ:Nar-Dos, Collected works, vol. 4 (Նար-Դոս, Երկերի ժողովածու, հատոր 4-րդ).djvu/25

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


20 մարտի 1880.


ՄԱՐԴԿՈՒԹՅԱՆԸ

Որքան կուզես հառաջ գնա՛,
Մարդկայի՛ն ցեղ դու խոհուն,
Եվ ինչպիսի էլ կամքդ տա
Այս աշխարհում թո՛ղ անուն.

Որքան կուզես փշրի՛ր փականք,
Խորտակի՛ր դու շղթաներ,
Եվ բաց արա՛ մտքիդ կապանք,
Գտի՛ր բնության գաղտնիքներ.

Որքան կուզես դու անդադրում
Գործի՛ր հրաշք չըլսված,
Որից ապշի վերն — երկնքում
Մինչև անգամ ինքն աստված.—

Բայց և այնպես ես քեզ կ'ասեմ
Եվ բյուր անգամ կըկրկնեմ,
Որ դու կույր ես, դու կամք չունես,
Դու կրքիդ հեք ստրուկն ես։

21 մարտի 1886.


ԾԱՂԿՈՒՆՔ

Դուք այդ ժայռի լանջերում
Սիրո՛ւն ծաղկունք, ի՛նչ եք բուսել
Եվ գեղ դեմքը ձեր թաքցրել
Այդ վայրենի խոտերում։