4) ...ՕՐԱԳԻՐԸ նորափետուր տեսա — «Օրագիր»-ը սկսեց հրատարակել որպես հայատառ տաճկերեն թերթ, որտեղ սկզբնապես հայերեն նյութերին քիչ տեղ էր հատկացվում։ «Օրագիր»-ը 1871-ի մայիսից «կերպարանափոխեց»` դառնալով ամբողջովին հայկական թերթ` հայատառ տաճկերենը վերապահելով միայն առանձին ծանուցումների։ Դուրյանը ակնարկում Է այս հանգամանքը։
5) «ՄԱՍԻՍ»— Թերթ, հրատարակել է Կ. Պոլսում, 1852-ից, Կարապետ Ութուճյանի խմբագրությամբ։ Տարբեր ժամանակներում լույս Է տեսել նաև որպես հանդես։
6) «ՄԱՆՋՈԻՄԵ»— Լրիվ անվանումը «Մանզումեի Էֆքյար», հայատառ տաճկերեն թերթ, հրատարակել է Պոլսում, 1866-ի փետրվարից, Կ. Փանոսյանի խմրագրությամբ։
7) «ՕՐԱԳԻՐ»— Օրաթերթ, հրատարակվել է Պոլսում, 1868-ից Մարկոս Աղաբեկյանի խմրագրությամբ, 1869-ից խմբագիրն էր Օգսեն Խոճասարյանը։ Նախապես կոչվում էր «Օրագիր ծիլն Ավարայրվո», «Օրագիր Կ. Պոլսո»։
8) Մայիս 24ը— Արևմտահայերի «Ազգային սահմանադրությունը» պատրիարքարանի կողմից ընդունվելու օրը։
9) ...կայսերաշնորհ Սահմանադրության մը...— Սուլթան Աբդուլ Ազիզ Ա-ն վավերացրեց «Ազգային սահմանադրությունը» 1863-ի մարտի 17-ին։
4.ՊԱՌԱԿՏՈՒՄ ՄԸ
(էջ 125)
Առաջին անգամ տպագրվել Է «Օրագիր Կ. Պոլսո» թերթում (1871, 27 մայիս, թիվ 459), ստորագրությունը` «Պ. Դ.»։ Պ. Դուրյանը վերջին նամակում ակնարկել Է նաև այս ելույթը։ «ՊԱՌԱԿՏՈՒՄԻ... վրեժն անշուշտ պիտի մոռնա» (Կ. Փանոսյանը— Ա. Շ.):
Տպագրվում է ըստ Վիեննայից ստացված ընդօրինակության։
Հոդվածի գրության շարժառիթը հետևյալն է։ Սահմանադրության տարեդարձին նվիրված տոնախմբությունները, որոնց մասնակցում էին նաև Կ. Պոլսի վարժարանների սաներն ու սանուհիները, կատարվում էին Պեյգոզ
