Կոյս ի յելից գով անվըթար,
Քերթեալ բառիւք հոմերաբար,
Բիւրըս կրկնեալ ի մի գումար,
Քեզ վայելէ իսկ բընաբար:
81
ԶԽԱՂԱՂՈՒԹՅՈՒՆ
Խաղաղութիւնն է ամրոց մի և անառիկ աշտարակ,
Որք հետևին նըմա կտրեն՝ Հայր մեր ասել համարձակ.
Ոչ ինչ կոհակ զայս սուրբ դըղեակ, կարե երբէք վընասել,
Զի երանին մեզ հաւաստէ, զոր չէ հընար ապուսել:
Խաղաղարարն է իսկապէս՝ Հօր Աստուծոյ հարազատ,
Եւ աստ և անդ փառօք փարթամ, յախտից ազատ անաշխատ:
82
ԱՌ ՄԱՅՐՆ ՈՂՈՐՄՈԻԹԵԱՆ...
Ծառ խընկաբեր եդեմաբոյս՝
Անթառամ սէր իմ անթառամ,
Աղբիւր կընքեալ ի պարտիզի,
Քաղցրահամ սէր իմ, քաղցրահամ:
Անհըպելի և նորատունկ,
Բուրաստան սէր իմ բուրաստան,
Դալարաբեր և լուսազարդ՝
Անդաստան սէր իմ, անդաստան:
