Էջ:Petros Ghaphantsi, Verses (Պետրոս Ղափանցի, Բանաստեղծություններ).djvu/174

88

ԶՄՏԵԼՈՑ ԸՆԴ ԴՈԻՌՆ ԱՊԱՇԽԱՐՈԻԹԵԱՆ'

ԱՅԼԱԲԱՆՕՐԷՆ

Ջեռոտ աւուրց՝ մերձիլ առ մեզ՝
Ե՜րբ իցէ, սէր իմ, ե՞րբ իցէ.
Փայփայելով՝ այգորել քեզ՝
Ե՜րբ իցէ, սէր իմ, ե՜րբ իցէ.

Սուգն ի վերայ իմ ծովանալ լեռնանման,
Սէր իմ լեռնանման,
Եւ օր քան զօր յոյժ ծանրանալ բեռնանման,
Սէր իմ բեռնանման.
Ծագել ծաղկանց արեգականդ աննըման,
Սէր իմ աննըման.
Զայս քո գերիս լուսաւորել
Ե՜րբ իցէ, սե՜ր իմ, ե՜րբ իցէ:

Ծիծառն եկեալ ճըռողելով ոստոստէ,
Սէ՜ր իմ ոստոստէ,
Մօտիլ մերձիլ գարնան աւուրց աւետէ,
Սէ՛ր իմ, աւետէ.
Տապ սիրոյ քոյ՝ զիս առաւել հրոտէ,
Սէ՜ր իմ, հըրօտէ.
Տալ զովութիւն այրած սրտիս
Ե՜րբ իցէ, սե՜ր իմ, ե՜րբ իցէ: