Էջ:Petros Ghaphantsi, Verses (Պետրոս Ղափանցի, Բանաստեղծություններ).djvu/179

Վիքիդարանից՝ ազատ գրադարանից
Այս էջը սրբագրված է

22


Նըմանն յորժամ զիւր նըմանին գըտանէ,
Փոյթ ընդ նըմա յերամն սիրոյ մըտանէ,
Այլ աննըմանն զիւր աննըմանն հարկանէ,
Խոչ վարկա՛նէ ինքեան, առ այն յա՞ր գանէ:


23


Զի յաւ է յոյժ, եթէ թիակամբք արք բորոտին,
Քան թէ յայտնեօք, ոտ երևի՝ բաց բոր ոտին:


24


Սահիմ մըտօք, մինչ յայտնապէս՝
          Յաճախ խօսիմ զորկորոյս,
Սա հի՞մ եդեալ զյոյս իւր յերկիր,
          Ո՞չ որոնէ, զոր կորոյս


25


Մի՛ այնց բանից ամեննին դու անսար,
Որոց ասեն՝ Բիւզանդիա է անսար:


26


Յընթաց անդարձ շրջագայեաց ի ճառըս հարց,
Զորս ո՛չ գիտես, թարց ամօթոյ՝ ի գիտնոց հա՛րց: