Վիքիդարանից՝ ազատ գրադարանից
Ո՜հ, կաքաւաձայն շուրջքն ի լերանց յորդեցան,
Առատապէս յորդեցան, ո՜հ,
Առ վարդենիդ քո խաղացեալ՝ գան, սէր իմ, գա՜ն,
Գա՜ն, սէ՜ր իմ, գա՜ն, ո՜հ:
ԶՊՏՂԱԲԵՐՈԻԹԵՆԷ ԲԱՐԻ ԳՈՐԾՈՑ
ԵԻ ԶՓՈՅԹ ՍՊԱՌԵՑՄԱՆԷ ՆՈՐԻՆ
Լուսաբեր ցըրօնքն իմ վարդի
Յանկեան այգւոյն, անկեալ բարդի,
Ցաւ եղև յո՜յժ խըղճոյս արդի,
Զիս ըսփոփել ո՜չ ոք մարթի.
Մի՛ բափիր, վա՛րդ,
Մի՛ թափիր, արդ,
Մի՛ առներ զիս իսպառ անզարդ,
Զի ծընանիմ, քև՜ սընանիմ,
Սիրով քոյով առ լընանիմ:
Ի կէտ գարնանս այս զուարճալից,
Բարեժամ յոյժ և բարելից,
Մի՛ առներ իսպառ ցաւալից,
Ըզսիրահարս քո սըգալից.
Մի՛ թափիր, վա՜րդ,
Մի՛ թափիր, արդ,
Մի՛ առներ զիս իսպառ անզարդ,
Զի ծընանիմ, քև՛ սընանիմ,
Սիրով քոյով առ լընանիմ:
|
|
