Մատի՜ր առ իս,
Մի՜տ դիր բանիս,
Եւ հայեա՜ց յիս,
Տե՜ս, թէ զիա՜րդ կիզանիմ:
Հառաչելով, աղաչելով՝ ձայնիւ մաղթեմ լալագին,
Ըզգուշացի՜ր, յորժամ հընչէ դըժնեայ հողմըն սաստկագին,
Մինչ դու թափիս՝ ես մեռանիմ, մի է իմ և քո հոգին.
Ի՜մ աննըման վա՜րդ, վա՜րդ,
Պարծանք գարնան, վա՜րդ, վա՜րդ,
Մատի՜ր առ իս,
Մի՜տ դիր բանիս,
Եւ հայեա՜ց լիս,
Տե՜ս, թէ զիա՜րդ կիզանիմ:
Սիրահարեալս ի վերայ քո՝ փըշովք լեզուաց խոցոտիմ,
Վիրօք լըցեալ, ի բաց կացեալ և ի հեռուստ կողկողիմ,
Քեզ կարօտիմ և կարօտով՝ այնու յաւէտ տոչորիմ.
Ի՜մ աննըման վա՜րդ, վա՜րդ,
Պարծանք գարնան, վա՜րդ, վա՜րդ,
Մատի՜ր առ իս,
Մի՜տ դիր բանիս,
Եւ հայեա՜ց յիս,
Տե՜ս, թէ զիա՜րդ կիզանիմ:
