Զարթի՜ր, սէ՜ր իմ, և զօրացի՜ր,
Ի տես վարդին առ փութացիք,
Գրկեալ փարեա՛ և լիացիր.
Եկ, սիրելի, բերկրեալ ցընծա՛,
Բերկրեալ ցնծա՛ և զուարճացի՛ր,
Տեսլեամբ վարդին փարթամացիր:
Սառնափայլոլն շարքն աղբերաց՝
Հոսմամբ բըղխին միշտ ի լերանց,
Զարդարեցին զեզերս առւաց.
Ե՜կ, սիրելի, բերկրեալ ցընծա՛,
Բերկրեալ ցնծա՛ և զուարճացի՜ր,
Տեսլեամբ վարդին փարթամացի՜ր:
Եդեմական դրախտին նըման
Այգիքն ամէն վայելչացան,
Դաշտք և հովիտք ծաղկօք լըցան.
Ե՜կ, սիրելի, բերկրեալ ցընծա՛,
Բերկրեալ ցնծա՛ և զուարճացի՜ր,
Տեպեամբ վարդին փարթամացի՜ր:
Զձայն քո ընծայ աւետողիս,
Ինձ լսեցո՛, պաղատողիս,
Զսիրով քոյով ըզմայլողիս.
Ե՜կ, սիրելի, բերկրեալ ցընծա՛,
Բերկրեալ ցնծա՛ և զուարճացի՜ր,
Տեպեամբ վարդին փարթամացի՜ր:
