Տեսնալ զծաղկունս՝ զամէնն ինձ փուշ վարկանեմ,
Թևօք բախեալ զսիրտ իմ քնքուշ հարկանեմ,
Ըզցաւ սըրտիս, ահա՛, քեզ յուշ արկանեմ.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Քանի ողբամ՝ նոր ի ճորպ խոցոտիմ,
Ըզփայլուն գեղդ ի միտ բերեալ բոցոտիմ,
Յորդ արտատուք ցայգ ու ցերեկ թացոտիմ.
Բացի՜ր, բացի՜ր, իմ կարմիր վարդ աննըման,
Գեղըդ ճըման արեգական վառվառման:
Արքայարանն Բիւզանդիպ մեծ շինի,
Տեղ և բընակ յարմարեալ քեզ յարկ շինի,
Նաւակատեօք յիշատակ քո յա՛ր տօնի.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Արարից քեզ հովանի մի կերպասեայ,
Արծաթակար և ոսկեհուռ մարգարտեայ,
Ակնահիւսեալ շուրջանակի երփներփեայ.
Բացի՜ր, բացի՜ր, իմ կարմիր վարդ աննըման,
Գեղըդ ճըման արեգական վառվառման:
Պէտք ամենայն՝ հոգեկանք և մարմնականք,
Եղեալ են վասըն քո իբրու լալականք,
Բանաստեղծք և դըպիրք երգոց երգաբանք.
Բացի՜ր, բացի՜ր, իմ կարմիր վարդ աննըման
Գեղըդ նըման արեգական վառվառման:
