Փըշոտ անտառքն ի դիմաց քոց կորացան,
Ընկլա՜ն, սուզակն, արմատախիլ չորացան,
Երեսք դաշտաց այլազանեալ նորացան.
Բացի՜ր, բացի՜ր, իմ կարմիր վարդ աննըման,
Գեղըդ նրման արեգական վառվառման:
Ողբակենցաղս և լալակոծս բազմամեայ,
Սըգաւորաց լըրմանն եղէ առարկայ,
Եթէ յամիս՝ բողոք կալնում առ արքայ.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Որդն և ուտիչ պակասեցան տեսակաւ,
Փոքո՛ւնք, մանո՜ւնք և մեածամեծք աւագաւ,
Յա՜ր պաղատիմ աղաղակաւ, նըւագաւ.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Եթէ չիցեն քեզ փափագօղք, նազելի՜,
Անասունք են ի յանտառի աշխարհի,
Զքեզ ծանողաց՝ ցոյց ըզդէմ քո փարելի.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Լուսափայլուն, մարգարտատիպ սուրբ շաղերս,
Լաց գիշերոյս, և լաց աւարս քեզ աղերս,
Ընդ այնց ընկա՜լ հաճոյապէս և զտաղերս.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման: