Ի թափիլ քո ի պարտիզին, վա՜րդ, վա՜րդ,
Յորս այս անկեալ սասանէին, վա՜րդ, վա՜րդ:
Ի փըշալից թուփըս քոյին, վա՜րդ, վա՜րդ,
Թըռչունք բունեալ ապաւինին, վա՜րդ, վա՜րդ,
Թագաւոր իմ և տէր իմ դու, վա՜րդ, վա՜րդ,
Տուն կենաց ըստ բաւականին, վա՜րդ, վա՜րդ:
Ի ճանապարհ լոր գընայի, վա՜րդ, վա՜րդ,
Ինձ որոգայթ սարեալ լարի, վա՜րդ, վա՜րդ,
Ճաթն ի՞՛նչ է, ցո՜յց իմս անճարի, վա՜րդ, վա՜րդ,
Յայսմ անբարի մեծի դարի, վա՜րդ, վա՜րդ:
Ահա՜, գալով եկեալ եհաս, վա՜րդ, վա՜րդ,
Ցաւքն յամենուստ հոսեալ դա՜ս-դա՜ս, վա՜րդ, վա՜րդ,
Աղաղակաւ առ պաղատիմ, վա՜րդ, վա՜րդ,
Ողորմելով յօգնութիւն հաս, վա՜րդ, վա՜րդ:
Յանգիւտ կորուստն յուղի անկեալ, վա՜րդ, վա՜րդ,
Անառաջնորդ կ՛ամ մոլորեալ, վա՜րդ, վա՜րդ,
Ի միտ բերեալ այրիմ կիզիմ, վա՜րդ, վա՜րդ,
Ըզգեղ քո սուրբ վայելչացեալ, վա՜րդ, վա՜րդ:
ԽՆԴԻՐ ԵԻ ԱՂԱՉԱՆՔ, ԲՈՂՈՔ ԵԻ ՀԱՌԱՉԱՆՔ...
Զիս՝ աննըմանս և նըմանիս մարդանըման արա՛, տէր իմ.
Յաշխարհի աստ զանընտանիս՝ քոյցդ ազգական արա՜, տէր իմ.