այլ ցուցանիշներ (ներառյալ՝ պարգևատրում, համապատասխան մրցույթների մասնակցություն, մասնագիտական կատարելագործմանն ուղղված վերապատրաստումներ և այլն):
Ուսուցիչն իր նախաձեռնությամբ կարող է որակավորման ցանկացած տարակարգին համապատասխան առարկայական-մասնագիտական և մանկավարժական գիտելիքների գնահատում անցնել կրթության պետական կառավարման լիազորված մարմնի երաշխավորած կազմակերպությունում և ստանալ համապատասխան տեղեկանք:
Ատեստավորման միջոցով որակավորման տարակարգ ստացած ուսուցչին տրվում է համապատասխան հավելավճար ուսումնական հաստատությանը հատկացված միջոցների հաշվին՝ ՀՀ կառավարության սահմանած կարգով:
Ատեստավորման տարածքային և հանրապետական հանձնաժողովների որոշումները հիմք են ուսուցչի պաշտոնավարության, զբաղեցրած պաշտոնից ազատելու, ինչպես նաև նրան որակավորման համապատասխան տարակարգ շնորհելու և հավելավճար սահմանելու համար:
«Չի համապատասխանում զբաղեցրած պաշտոնին» որոշման պատճառով ուսուցչի պաշտոնից ազատումն անձին չի գրկում մանկավարժական գործունեությամբ զբաղվելու իրավունքից:
Արտահերթ ատեստավորումը կարող է անցկացվել հերթական ատեստավորումից առնվազն երկու տարի հետո՝
1) ուսուցչի նախաձեռնությամբ,
2) հաստատության մանկավարժական խորհրդի առաջարկությամբ,
3) տնօրենի պատճառաբանված որոշման հիման վրա:
9.2.3.4. Ուսումնական հաստատության տնօրենը, նրա իրավասությունները և խտրությունը /նշանակումը/
ՀՀ կառավարության 2010 թվականի հոկտեմբերի 14-ի N 1391-Ն որոշման Հավելված N 5-ով սահմանված են նաև տնօրենի պաշտոնային պարտականությունները: Դրանք են՝
1) խորհրդի հավանությանն է ներկայացնում ուսումնական հաստատության զարգացման ծրագիրը,
2) համաձայն ուսումնական հաստատության զարգացման ծրագրի, իրականացնում է հաստատության ընթացիկ կառավարումը և ղեկավարում ուսումնադաստիարակչական, վարչատնտեսական աշխատանքները ՀՀ օրենսդրության, հաստատության կանոնադրության և այլ իրավական ակտերին համապատասխան,
3) ապահովում և կրում է պատասխանատվություն ուսումնական պլանին համապատասխան՝ լրթական ծրագրերի իրականացման, կրթական գործընթացի կազմակերպման, կրթության որակի և բովանդակության, ներքին կարգապահական կանոնների մշակման և ներդրման, երեխաների կյանքի և առողջության պահպանման, կրթական գործընթացում սովորողների ու աշխատողների իրավունքների և ազատությունների պահպանման համար՝ ՀՀ օրենսդրությամբ սահմանված կարգով,
4) համակարգում և հսկում է կառուցվածքային ստորաբաժանումների, մանկավարժական և այլ աշխատողների աշխատանքը,
5) ապահովում է կրթության պետական կառավարման լիազորված մարմնի և տարածքային կառավարման մարմնի՝ ՀՀ օրենսդրությանը չհակասող հանձնարարականների կատարումը,
6) կազմում է ուսումնական հաստատության տարիֆիկացիան, հաստիքային ցուցակն ու ծախսերի նախահաշիվը և հաստատության խորհրդի հավանությամբ ներկայացնում է պետական լիազորված մարմին,
7) սահմանված կարգով իրականացնում է ուսուցչի թափուր տեղի համար մրցույթը, մանկավարժական և այլ կադրերի ընտրությունը, աշխատանքի ընդունումը, տեղաբաշխումը և աշխատանքային պայմանագրի լուծարումը,
8) համաձայն հաստատության կանոնադրության և աշխատանքային պայմանագրի, սահմանում է աշխատողների աշխատանքային պարտականությունները, ստեղծում պայմաններ