- Միասնական եվրոպական հետազոտական տարածության ստեղծումը:
Բացի պարտադիրներից, գոյություն ունեն նաև «Բոլոնյան գործընթացի» հանձնարարական պարամետրերը, որոնք կապահովեն` - սովորողների առաջադիմության միասնական եվրոպական գնահատումը,
- ուսանողների ակտիվ ներգրավվածությունը եվրոպական կրթական գործընթացներում, այդ թվում` նրանց շարժունության բարձրացման ճանապարհով,
- կարիքավոր ուսանողներին սոցիալապես սատարելը,
- կրթությունը ողջ կյանքի ընթացքում:
«Բոլոնյան գործընթացի» կամընտրական /ֆակուլտատիվ/ պարամետրերն են.
- կրթության բովանդակության ներդաշնակության ապահովումը՝ ըստ նախապատրաստման ուղղությունների,
- ուսանողների ուսուցման ոչ գծային հետագծերի, ըստ ընտրության կուրսերի մշակումը,
- ուսուցման մալագային /գործակցային/ համակարգի ներդրումը,
- ուսուցման հեռավար /դիստանցիոն/ ձևերի և էլեկտրոնային դասընթացների ընդլայնումը,
- ուսանողների և դասախոսների ակադեմիական վարկանիշների օգտագործման հնարավորությունների ընդլայնումը:
«Բոլոնյան գործընթացի» իմաստի և գաղափարախոսության հասկացման համար հատուկ նշանակություն ունի նրա կրթաիրավական մշակույթը, որը կայանում է բարձրագույն կրթության և համապատասխան ակադեմիական որակավորումների և գիտական աստիճանների հետևյալ մակարդակների ճանաչման և ընդունման մեջ.
1. ներմուծվում է բարձրագույն կրթության 3 մակարդակ.
Առաջին մակարդակը՝ բակալավրիատ /«բակալավրի» աստիճան/:
Երկրորդ մակարդակը՝ մագիստրատուրա /«մագիստրոսի» աստիճան/:
Երրորդ մակարդակը՝ դոկտորանտուրա /«դոկտորի» աստիճան/:
2. Բոլոնյան գործընթացի մեջ կարգավորող են ճանաչվում երկու մոդել՝ 3+2+3 կամ 4+1+3, որտեղ թվերը նշանակում են ուսուցման ժամկետները բակալավրի մակարդակով, այնուհետև մագիստրատուրայի և, վերջապես, համապատասխանաբար՝ դոկտորանտուրայի մակարդակով:
Նշենք, որ հայկական արդի մոդելը /4+2+3/ բավականին ուրույն է թեկուզև նրա համար, որ՝
ա/ «մասնագետի» աստիճանը չի ներգավվում «Բոլոնյան գործընթացի» պատկերացված մոդելների մեջ,
բ/ հայկական բակալավրիատը բավականաչափ հիմնավորված առաջին մակարդակի բարձրագույն կրթություն է,
գ/ տեխնիկումները, քոլեջները, մասնագիտական-տեխնիկական ուսումնարանները և միջնակարգ դպրոցները, ի տարբերություն շատ եվրոպական երկրների, իրավունք չունեն տալու բակալավրի դիպլոմ:
3. Թույլատրվում է «սերտաճված /ինտեգրված/ մագիստրատուրա», երբ դիմորդը ընդունելության ժամանակ պարտավորվում է ստանալ մագիստրոսի աստիճան, այդ դեպքում բակալավրի աստիճանը «կլանվում է» մագիստրոսի պատրաստման գործընթացի ժամանակ:
Բարձրագույն կրթության երրորդ մակարդակը /երրորդ աստիճան/ կոչվում է «գիտությունների դոկտոր»:
Բժշկական բուհերը, արվեստների և մյուս հատուկ մասնագիտական բուհերը կարող են հետևել այլ, այդ թվում՝ միամակարդակ մոդելների:
Ակադեմիական կրեդիտները «Բոլոնյան գործընթացի» առավել յուրահատուկ բնութագրերից են: Այդպիսի «վարկավորման» հիմնական պարամետրերը կայանում է հետևյալում.
ակադեմիական կրեդիտ է կոչվում ուսանողի ուսումնական գործունեության աշխատատարության միավորը: Մեկ կիսամյակի ընթացքում ավելացվում է ուղիղ 30 ակադեմիական կրեդիտ, իսկ մեկ ուսումնական տարվա համար՝ 60 ակադեմիական կրեդիտ:
ուսումնառության 3 տարին, որը տալիս է բակալավրի աստիճան ստանալու հնարավորություն, պետք է հավաքել 180 կրեդիտից ոչ պակաս, իսկ 4 տարվա ուսումնառության դեպքում՝ 240
