Էջ:Tsaghkepunj.djvu/23

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


ԿԱՊԻԿ
(Ժողովրդական)


Այ արի՛, արի՛ կապիկ,
Ծափ տամ, դու պարի կապիկ,
Հագել ես կարմիր շապիկ
Դառել իսկական պապիկ։

Այ արի՛, արի՛ կապիկ,
Ծափ տամ, դու պարի կապիկ,
Պարում ես հանգի-հանգի,
Կոտրատվում հազար ռանգի։

Այ արի՛, արի՛ կապիկ,
Ծափ տամ, դու պարի կապիկ,
Պարում ես մարդավարի
Նազ անում աղավարի։

Այ արի՛, արի՛ կապիկ,
Ծափ տամ, դու պարի կապիկ
Քու պարը հիանալի
Ամենքին դուր է գալի։


ՀՆԴԿԱՀԱՎԻ ԵՐԳԸ


Փետուրները փշաքաղ,
Թևերը ձիգ՝ գետնին կախ,
Պոչն էլ արած մի չարդախ,
Հավերի մեջ, էն սարսաղ
Հնդկահավը մեր բակում՝
Բեռնած ուղտի պես դանդաղ
Ման է գալի
Տնքտնքալի.—
— Ուա՜խ, ուա՜խ, ուա՜խ...
— Վա՜խ, վա՜խ, վա՜խ...