Էջ:Yeghishe Charents, Collected works, vol. 2 (Եղիշե Չարենց, Երկերի ժողովածու, հատոր 2-րդ).djvu/135

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


290 Արնաքամ տենդով, ահով վարակված՝
Աշխատում էին գործարաններում։

Գործարաններում վիթխարահսկա,
Որոնց երկաթե շչակները բյուր
Անասունների նման խելագար
295 Իրենց երկաթե խո՛րխն էին փնչում
Հորիզոնն ի վեր-
Գործարաններում աշխատում էին
Պրոլետարների բյուրավոր խմբեր։
Դեռ կռում էին ու կոփում ռումբեր,
300 Թեկուզ գիտեին՝ ո՞ւր պիտի ճամփեն․—
Դեռ կռում էին ու կոփում ռումբեր,
Որ միլիոն, միլիոն թնդանոթների
Անկուշտ, անհագուրդ ծարավը ջամբեն։

Եվ ովքե՞ր էին նրանք. — կիսաքաղց
305 Ռուս,
Հնդիկ,
Թաթար,
Գայլ,
Իռլանդարցի.—
310 Բոլորը — բանվոր,
Մուշա,
Գյուղացի՛։ —

Իսկ իրենք ոսկի կաբինետներում
Նստած՝ գիտուններ, խելքեր վիթխարի
315 Կռվի՛ պես դանդաղ որոճում էին
Երազներ մահի, արյունի, հրի։
Նրանք, ոսկեպատ կաբինետներում,
Հանճարում Հին հեղձուցիչ գազեր,
Որպեսզի Մահի ոտքերի առաջ