Էջ:Yeghishe Charents, Collected works, vol. 2 (Եղիշե Չարենց, Երկերի ժողովածու, հատոր 2-րդ).djvu/187

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Բայց դեմ ելավ էդտեղ նրան
Տռզած տղեն տանուտերի՝
Հնպարտ կեցած դռան վրա,
260 Ձեռը դրած մաուզերին
Ռեսանց տղա Միկուն էր էդ,
Որ անումը նստել հանգիստ,
Կերել, խմել — ու հիմի էլ
Դարձել էր ցեց — մաուզերիստ:

XXI



265 — Հը՞, մե՞ր տղա, արի մի դե՛ս,—
Ասավ հնպարտ տղեն ռեսի.
Քո սաղ կռից վախեցել չեմ —
Պտի վախեմ հիմի կեսի՞ց...
— Բա մեր հո՞ղը... ասավ Սաքոն.
270 — Հո՞ղ,—քրթմնջաց ռեսի տղեն. —
Ընենց մի հող հիմի տամ քեզ,
Որ քեզ համար լավաշ թխես...
Քանի թեզ է գնա՛, ասավ.
Մտի՛կ արա, ասավ, ձեռի՜ս...
275 Ու ձախ ձեռը բեղին տարավ,
Աջը գրավ մաուզերին:

XXII



Քողեց Սաքոն գեղը իրենց,
Փախավ դաշնակ մավզերիստից,
Էկավ Գյումրի քաղաքը մեծ,
280 Որ էստեղից մաշին նստի —
Գնա նորից Մոսկով քաղաք,
Ուր օրենք էր սավետական,