Օ, մանկության մասին գրել են շատ-շատերը.
Մի կողմ թողնենք եթե մենք հներին —
Պիտի թվենք նրանց, որ գրքերում գրել են
Ողջ պատմությունն իրենց այդ օրերի։— 5
Ես էլ ահա փորձում եմ իմ մանկության օրերը
Ուրիշների նման առնել գրի։—
Ու՛ժ տուր, Մուսա՛, գրչիս, որ կարենամ հիմա
Մանկությունս երգել ուրիշների նման։—
II
Տալստո՛յ, ժան-Ժակ-Ռուսսո՛, Ֆլոբե՛ր, դե-Ամիչի՛ս, 10
Բայլզա՛կ, Ռեդյարդ Կիպլի՛նգ, Զորյան ու Մահարի՛...
Օ, չհուզի քեզ թող, իմ ընթերցո՛ղ, որ ես
Վերջին երկու անունը դրանց շարքում գրի։—
Խաբուսիկ է հաճախ գրական բախտն այդպես,
Գրողներին եթե ըստ նյութերի 15
Մենք դատելու լինենք... Բայց չե՞ն անում արդյոք
Միևնույնը — մեր նոր քննադատներն այսօր։
III
Եթե նայենք նրանց — այսօր ունենք արդեն
Մենք թե՛ Շեքսպիր, թե՛ Դանտ, թե՛ էսքիլես, թե՛