«Քին»— Ֆրանսիական գրող Ալ. Դյումայի (հոր, 1802—1870) պիեսը։
ՏԱՂԵՐ ԵՎ ԽՈՐՀՈԻՐԴՆԵՐ
ՏԱՂ՝ ՁՈՆՎԱԾ ԳՐՔԵՐԻՆ
(էջ 376)
Թվագրել է 1933. VI. 2։ Ֆոլիանտներ, որոնք սնամեջ են, ինչպես ասորական արքա Բալթասարը — Ֆոլիանտ լատինական թերթ բառից է. գործածված է մեծադիր, հաստափոր գիրք իմաստով։
Բալթասարը՝ բաբելական վերջին թագավորը, ըստ պատմական աղբյուրների փորձել է դիմադրել պարսիկներին, սակայն վերջիններս գրավել են ամրոցը և սպանել նրան (մ.թ.ա․ 538)։
Աստվածաշնչի զրույցը հաղորդում է այլ բան. մինչդեռ ամրոցը պաշտպանում էին ուրիշները, Բալթասարը մեծ խնջույք էր հրավիրել և զվարճանում էր. խնջույքի ամենաթեժ պահին գուշակվում է նրա մահը, և նույն գիշերն էլ Բալթասարը (Բաղդասար) սպանվում է (Աստվածաշունչ ըստ Դանիելի, գլ. Ե, 1—30)։
«Բալթասարի խնջույք» կոչվող այս ավանդությունը մշակվել է գրականության մեջ. տե՛ս Հ. Հայնեի «Բալթասար» բանաստեղծությունը «Երգերի գրքում»։
ՅՈԹԸ ԽՈՐՀՈՒՐԴ ՔԱՂԱՔ ԿԱՌՈՒՑՈՂՆԵՐԻՆ
(էջ 389)
Թվագրել է 1933. II. 16։ Տպագրվում է ԳՃ առաջին տարբերակից. երկրորդ տարբերակում սրա փոխարեն զետեղվել է հաջորդը՝ Ուղերձ մեր հանճարեղ վարպետներին»։
«ՈՒՂԵՐՁ ՄԵՐ ՀԱՆՃԱՐԵՂ ՎԱՐՊԵՏՆԵՐԻՆ»
(էջ 392)
Թվագրել է 1934․ VI. 6. ԳՃ առաջին տարբերակում այս ուղերձը չի եղել, զետեղվել է երկրորդում։