Ինձ չափազանց հետաքրքիր է, թե ի՞նչ են խոսում այդտեղ իմ մասին, իմ գործերը ինչպե՞ս ընդունեցին Գավհեղկոմում4և ի՞նչ հետևանքներ ունեցան: Շատ խնդրում եմ ամեն ինչ պարզ գրես, որովհետև այդ հարցը անհանգստացնում է ինձ: Գուցե պատահի, որ մենք վերադառնանք Երևան, այնպես որ այդտեղի տրամադրությունը դեպի ինձ ինձ համար շատ կարևոր է:
Գրի՛ր ով կա այդտեղ և ընդհանրապես ի՞նչ է կատարվում։ Եթե նամակաբերիս չկարողացար տալ նամակդ` տուր Հայհեղկոմին, կամ ավելի լավ է Արտաքին գործոց կոմիսարիատ։
Հասցես` Москва, Рождественка 3. Гостиница «Савой». Представителю С. С. Р. А. Сааку Тер- Габриеляну. Հանձնել Չարենցին։
Ընդունիր բարևներ ինձանից և Արփիկից։
Խնդրում եմ անպայման գրես։
Քարևիր Վարդին, Գոհարին5, բոլորին, բոլորին, բոլորին։
<1921, հոկտեմբեր, Մոսկվա>
11. Գ. ԱԴԱՄՅԱՆԻՆ
|
Սիրելի Գրիշա ջան, |
Նամակդ ինձ ավելի քան ուրախացրեց։
Շատ գոհ և շնորհակալ եմ, սիրելիս։ Եթե չծուլանաս և շուտ-շուտ ինձ այդպիսի մանրամասն նամակներ գրես, ես ինձ երջանիկ կզգամ։
Գրիշա ջան, գրում ես, որ գալու ես Մոսկվա. լավ, բայց որ եկար — ինչո՞վ պիտի ապրես: Իմացիր, որ այստեղ
