իշխանության հանդեպ։ Այս հարցը ինձ շատ է հետաքրքրում։ Ի՞նչ է անում, այսպես կոչված, «դաշնակցական» ինտելիգենցիան, ի՞նչ է անում «ոչ կուսակցական» ինտելիգենցիան, այսինքն-վարժապետությունը:
Մի խոսքով—գրիր և, որքան շատ գրես, այնքան լավ:
Թավաքալյանը2 որտե՞ղ է. ի՞նչ է անում։ Եթե կտեսնես տուր հասցես և խնդրիր, որ նամակ գրի. նույնպես և Աբովին3: Ես նրանց ուզում եմ գրել — չեմ իմանում հասցեները:
Բարևիր բոլոր ծանոթներին, Գոհարին, Նվարդին, Արշալույսին4, Գառնիկ Քալաշյանին5 և այլն։ Գառնիկին ասա, որ ես նրան միշտ մեծ ուրախությամբ և կարոտով եմ հիշում. ուզում էի նրան նամակ գրեմ, ժամանակ չկար, նամակաբերս շտապում էր:
<1>921, 1 XI, Մոսկով
Հասցես` Москва, Рождественка 3. Гос. «Савой». Представительство С. С. Р. Армении. Егише Чаренцу.
Բարևներ Արփիկից:
12. Գ. ԼԵՎՈՆՅԱՆԻՆ
|
Սիրելի Լևոնյան, |
Ձեր եղբայրը1, երբ դեռ այստեղ էր (Մոսկվայում), ասում էր, որ «Գեղարվեստ»-ը արդեն լույս է տեսել2, միայն շապիկ չկա։ Խնդրում եմ, եթե հնարավոր է գրաբերիս (Սիրուշ Հակոբյանի3) հետ մի համար (թեկուզ առանց շապիկի) ուղարկեք ինձ. այնքան կարոտել եմ նոր հայերեն գրքի, որ դրանով կարոտս գոնե մի փոքր կամոքվեր։
