Էջ:Yeghishe Charents, Collected works, vol. 6 (Եղիշե Չարենց, Երկերի ժողովածու, հատոր 6-րդ).djvu/558

պետք է ընթանա ժամանակակից ինժիներիայի հետ կողք կողքի` ելնելով նրա տեխնիկայից:

Թատրոնի մեջ «Uտանդարտն» ընդունում է`

— Կամերային թատրոնի փոխարեն— շարժական խմբերի ագիտ-թատրոն և բանվորական ակումբների թատերական կոլեկտիվներ, կազմված հենց իրենցից բանվորներից։

Ռեպերտուար` սատիր-ագիտ, քաղաքական բուֆոնադ, հերոսական ագիտ-դրամա:

Հոգեբանության փոխարեն` տրյուկիզմ:

Ֆիզկուլտուրա։

Կինո։

Ահա «Ստանդարտի» կուրսը։

Ծանոթություն.— «Ստանդարտ» բառը գործածում ենք «օրինակելի նմուշ», «մոդել» իմաստով։

ՄԵՐ ԱՌԱՋԱՐԿԸ

«Գրական թերթում» մի խումբ ընկերներ¹ հարց են հարուցել Երևանում կանգնեցնելու մեր հանճարեղ երգիծարան Հակոբ Պարոնյանի արձանը։

Մեր մամուլում տարիներ առաջ նման աոաջարկ արվել է նաև այլ ընկերների կողմից։ Որքան մեզ հայտնի է, զանազան առիթներով եղել են առաջարկներ և մեր մյուս գրողներին` Նալբանդյանին, Սունդուկյանին, Թումանյանին և ուրիշներին արձաններ կանգնեցնելու, մասին:

Սա ցույց է տալիս, որ խորհրդային լայն հասարակայության կողմից մեր անցյալ կուլտուրայի մեծարման արժանի ականավոր ներկայացուցիչներին գեղարվեստական մոնումենտներով մասսայականացնելու և