Լերինք ամենայն, այսօր ցնծացէք
Լերինք ամենայն այսօր ցնծացէք ընդ մեծապայծառ փառսն Սեպուհոյ գերազանց լերինն. քանզի ի նմա բնակեցաւ սուրբն Գրիգորիոս սիւն լուսոյ Հայաստանեայց սուրբ եկեղեցւոյ. որով ցնծայ ի փառս վերնոյն Սիովնի:
Որ առաւել խորին խորհրդով խնդայ քան զԱրարատեանն բարձր Մասիս. քանզի ի նմա հանգեաւ սուրբն Գրիգորիոս տապանն ապրեցուցիչ ի հոսանաց մեղաց Հայաստան ազանց. որով փրկիմք միշտ ի ջուրց հոսանաց: