Խինդ կա հիմա իմ հոգնած սրտում

Վիքիդարանից՝ ազատ գրադարանից
Jump to navigation Jump to search
Խինդ կա հիմա իմ հոգնած սրտում

Եղիշե Չարենց


Խինդ կա հիմա իմ հոգնած սրտում


Խինդ կա հիմա իմ հոգնած սրտում.
Խինդ կա հիմա — այս վառվող արտում:

Հեռու հրով կրակված, երազուն՝
Օրորվում է` հոգնաբեկ ու հասուն...

Քո՜ւյր է հովը` անմարմին ու անշուք,
Երգը նրա — կարոտի մի շշուկ...

Երգ է ասում հասկերին միգամած,
Երգ է ասում` քաղցրաձայն ու կամաց: —

Արտը հրա՛շք է կարծես երազում —
Ու ծփում է` հոգնաբեկ ու հասուն...


1919-1920