ՀՍՀ/«ԱԳԻՏԱՏՈՐ ԵՎ ՊՐՈՊԱԳԱՆԴԻՍՏ»

«ԱԳԻՏԱՏՈՐ ԵՎ ՊՐՈՊԱԳԱՆԴԻՍՏ», ՀԿԿ Կենտկոմի պրոպագանդայի և ագիտացիայի բաժնի երկշաբաթյա հանդես։ Հրատարակվում է Երևանում, 1933-ի սեպտեմբերից։ Կրել է տարբեր անուններ. «Պրոպագանդիստ» (ամսագիր, 1935), «Ագիտատորի բլոկնոտ» (երկշաբաթյա հանդես, 1936–65), «Ագիտատորի և պրոպագանդիստի բլոկնոտ» (1965–71)։ 1971-ից լույս է տեսնում «Ա. և պ.» խորագրով։ «Ա. և պ.» տպագրում է երկրի քաղաքական, տնտեսական, մշակութային և միջազգային կյանքին վերաբերող հոդվածներ, ընդհանրացնում Հայաստանի կոմունիստական կուսակցական կազմակերպությունների ագիտացիոն աշխատանքի փորձը։