ՀՍՀ/«ԱԶԱՏ ՀԱՅԱՍՏԱՆ»
< ՀՍՀ
«ԱԶԱՏ ՀԱՅԱՍՏԱՆ», ընդհատակյա թերթ, «Հայ բանվոր֊հեղափոխականների ասոցիացիայի» օրգանը, հրատարակվել է 1893–94-ին, Թիֆլիսում (թերթի ճակատին, ցարական գրաքննությանը թյուրիմացության մեջ գցելու համար, տպված է Բրյուսել)։ Խմբագրել են Ս. Խանոյանը, Ա. Խումարյանը, Ս. Տեր֊Սիմոնյանը, Ա. Խաժակյանը։ «Ա. Հ.» հայերեն առաջին բանվորական թերթն էր Անդրկովկասում։ Արծարծել է աշխատավորությանը հուզող հարցեր, հատուկ համար նվիրել Մայիսմեկյան տոնին, թարգմանաբար տպագրել հոդվածներ Կ. Մարքսից։