ՀՍՀ/«ԱՊՏԱԿ»
< ՀՍՀ
«ԱՊՏԱԿ», երգիծական–քաղաքական ամսագիր, հնչակյան կուսակցության օրգան։ Լույս է տեսել 1894–97-ին, Աթենքում, ապա՝ Լոնդոնում։ Շոշափել է արևմտահայերի քաղաքական ազատագրության խնդիրները։ «Ա.» մերկացրել է թուրք, կառավարության հայաջինջ քաղաքականությունը, քննադատել ազատագրական շարժումներին անտարբեր հայ հարուստներին ու կղերին։ Տպագրել է երգիծական բանաստեղծություններ, հեգնական ակնարկներ, ծաղրանկարներ։