ՀՍՀ/«ԱՍՏՂԻԿ ԱՐԵՎԵԼՅԱՆ»
< ՀՍՀ
«ԱՍՏՂԻԿ ԱՐԵՎԵԼՅԱՆ», բանասիրական, գիտական ամսագիր։ Լույս է տեսել 1855-ին, Կ. Պոլսում։ Հրատարակություն Մեսրոպյան ընկերության։ «Ա. ա.» տպագրել է ինքնուրույն ու թարգմանական նյութեր՝ բարոյախոսական զրույցներ, բանաստեղծություններ, պատմվածքներ, առողջապահական, դպրոցական–մանկավարժական հոդվածներ, աշխարհագրությանը և բնական գիտություններին վերաբերող օգտակար տեղեկություններ։ Ամսագիրը դադարել է լույս տեսնել, երբ լուծարքի է ենթարկվել Մեսրոպյան ընկերությունը։