ՀՍՀ/«ԱՐԱ» ԱՄԵՐԻԿՅԱՆ ՕԳՆՈՒԹՅԱՆ ՎԱՐՉՈՒԹՅՈՒՆ

«ԱՐԱ» (ARA,անգլ․ American Relief Administration) (Ամերիկյան օգնության վարչություն), գոյություն է ունեցել1919–1923-ին։ Ղեկավարն էր Հ. Հուվերը։ Կոչված էր պարենային և այլ օգնություն ցույց տալու առաջին համաշխարհային պատերազմի ժամանակ տուժած եվրոպական երկրներին։ Պովոլժիեում սովի ժամանակ, 1921-ին, սովետական կառավարությունը թույլատրեց «ԱՐԱ»–ի գործունեությունը ՌՍՖՍՀ–ում։ «ԱՐԱ»–ի կազմակերպած՝սննդամթերքի, դեղամիջոցների և այլ մատակարարումները որոշակի օգնություն եղան սովյալների համար։ Սակայն ԱՄՆ–ի կառավարող շրջանները փորձում էին այդ օգնությունն օգտագործել հակահեղափոխական տարրերին աջակցելու, հեղափոխական շարժման դեմ պայքարելու, ամերիկյան իմպերիալիզմի դիրքերը եվրոպական երկրներում ամրապնդելու նպատակով։