ՀՍՀ/ԱԲԴՈՒԼԼԱՀ ԳՈՐԱՆ

ԱԲԴՈՒԼԼԱՀ ԳՈՐԱՆ (ծն. 1904), քուրդ բանաստեղծ և հասարակական գործիչ։ Ծնվել է Իրաքի Սուլեյմանիա քաղաքում։ Իրաքի կոմկուսի անդամ (1950)։ Զբաղվել է ուսուցչությամբ։ Գրել է քասիդներ, գազելներ, քառյակներ։ Երկրորդ համաշխարհային պատերազմի տարիներին աշխատել է հակաֆաշիստական «Մերձավոր Արևելք» ռադիոկայանում։ 1952—1954-ին խմբագրել է «Ժին» («Կյանք») առաջադիմական թերթը։ Ընտրվել է Խաղաղության համաշխարհային խորհրդի անդամ (1962)։