ՀՍՀ/ԱԲԻՇԵՎ ԱԼԺԱՓԱՐ

ԱԲԻՇԵՎ Ալժափար (ծն. 1907), ղազախ գրող։ Ծնվել է սեպտեմբերի 15-ին։ ՍՄԿԿ անդամ 1939-ից։ Պատմվածքների և ակնարկների առաջին ժողովածուի հիմնական թեման Կարագանդայի հանքափորների աշխատանքն է («Անցափակում», 1936)։ Գրել է նաև պիեսներ։ Նրա «Ոչ, չեմ մեռնի ես» (1965) հերոսական դրաման արտացոլում է Ղազախստանի կոմկուսի Կենտկոմի առաջին քարտուղար Լ. Սիրզոյանի և ղազախական սովետական գրականության հիմնադիր Ս. Սեյֆուլլինի բարեկամությունը։

Երկ. Ոչ, չեմ մեռնի ես, «ՍԳ», 1968, № 3։