ՀՍՀ/ԱԲԻՋԱՆ

ԱԲԻՋԱՆ (Abidjan), Փղոսկրի Ափ Հանրապետության մայրաքաղաքը։ 450 հզ. բն. (1968, արվարձաններով)։ Նավահանգիստ Էբրիե ծովալճակի ափին։ Ջրանցքով կապված է Ատլանտյան օվկիանոսի և երկաթուղով՝ Բոբո֊Դիուլասոյի (Վերին Վոլտա) հետ։ Քաղաքում կան թեթև ու սննդի, փայտամշակման, մետաղամշակման արդյունաբերության ձեռնարկություններ, նավաշինարան։ Ունի օդանավակայան (Պոր֊Բուե)։ Ա֊ում գործում է Դակարի համալսարանի մասնաճյուղը։