ՀՍՀ/ԱԲՐԱՀԱՄՅԱՆ ՄԵԴԵԱ ՎԱՐԴԱՆԻ

ԱԲՐԱՀԱՄՅԱՆ Մեդեա Վարդանի (ծն. 1932), հայ սովետական թավջութակահարուհի։ ՀՍՍՀ վաստ. արտիստուհի (1963), Հ. Վիհանի անվ. թավջութակահարների մրցույթի դափնեկիր (1955, Պրագա, 2-րդ մրցանակ)։ Ծնվել է մարտի 8-ին, Երևանում։ Հայֆիլհարմոնիայի մենակատարուհի (1956-ից)։ Ավարտել է Մոսկվայի կոնսերվատորիան (1956)՝ աշակերտելով Մ. Ռոստրոպովիչին։ Ելույթներ է ունեցել Ռումինիայում, ԱՄՆ֊ում, Ֆրանսիայում և այլ երկրներում։ 1962-ից դասավանդում է Երևանի կոնսերվատորիայում։