ՀՍՀ/ԱԳԱՍՍԻԶ

ԱԳԱՍՍԻԶ Ժան Լուի֊Ռոդոլֆ (1807–1873), շվեյցարացի բնագետ և աշխարհագրագետ։ Ծնվել է մայիսի 28-ին։ 1846-ից ապրել է ԱՄՆ֊ում։ Հարվարդի համալսարանում հիմնադրել է համեմատական անատոմիայի թանգարան։ Գիտության համար մեծ նշանակություն են ունեցել Ա֊ի աշխատությունները բրածո և ժամանակակից ձկների դասակարգման մասին, ինչպես նաև աշխարհագրական բաշխմանը և սառցային դարաշրջանին նվիրված հետազոտությունները։ Ա. էվոլյուցիոն ուսմունքի հակառակորդն էր, ուստի ջախջախիչ քննադատության ենթարկվեց Դարվինի և Հեկկելի կողմից։ Մահացել է դեկտ. 12-ին։