ՀՍՀ/ԱԳՈՒՁԵՐԱ

ԱԳՈՒՁԵՐԱ, գյուղ Աբխազական ԻՍՍՀ Գուլրիպշի շրջանում, ծովափնյա հարթավայրում, շրջկենտրոնից 2 կմ հյուսիս։ 1516 բն. (1968), վրացիներ, հայեր, աբխազներ, ռուսներ։ Կոլտնտ֊ը զբաղվում է ծխախոտի, եգիպտացորենի, բանջարաբոստանային ու ցիտրուսային կուլտուրաների մշակությամբ, պտղաբուծությամբ, անասնապահությամբ և մեղվաբուծությամբ։ Ա֊ում կա միջնակարգ դպրոց, գրադարան, հիվանդանոց, կապի բաժանմունք, հանգստյան տուն։ Հայերը եկել են Ցեբելդայից, 1903-ին։ Ա. Զեյթունյան