ՀՍՀ/ԱԶԱՏ (ԳՅՈՒՂ III)

ԱԶԱՏ, գյուղ Կարսի մարզում, Կարսից 8–9 կմ հարավ։ 1907-ին ուներ 642 բնակիչ՝ հայեր և հույներ։ Զբաղվում էին երկրագործությամբ և անասնապահությամբ։ Գյուղն իր անունն ստացել է մոտակայքում գտնվող հորդաբուխ աղբյուրից, որը ձմռանը ցամաքելու և ամռանը բխելու պատճառով անվանել են Ազատ աղբյուր։ Ա֊ի հայ բնակիչների մեծ մասը 1920-ի հայ֊թուրքական պատերազմի հետևանքով հեռացել է գյուղից, ապա բնակություն հաստատել Սովետական Հայաստանում։